Skip to main content
bannerra
Nahieran Ikusteko.tv

Bideoteka

Bideotekan bilatu
bideoaren irudia
Gurean Gaur Uda: Uztailak 5

2017-07-06

Gero eta gutxiago falta da San Ferminei hasiera emango dien txupinazoa botatzeko. Dagoeneko hainbat izan dira aldarrikapenak; animalisten ekimena izan da Iruñeko udal plazan, eta feministek kaleak hartu dituzte eraso matxistei aurre egiteko dei eginez. 

Jaiak alde batera utzita, Euskal Herrian lehen aldiz, bat egin dute sindikatu guztiek, eta gaixo dauden presoak askatzeko irizpideak aldatzeko eskatu diote Espainiako Ministeritzari. 

Horrez gain, ez da Abiadura Handiko Trenik izango momentuz Baiona eta Bordele artean. Emmanuel Macron Frantziako presidentearen hitzetan: "Proiektua garestiegia da, eta lehentasunak markatu beharra dago". 

Eta kirolei dagokienez, Peter Sagan kanporatu du zuzendaritzak tourretik, Mark Cavendish lurrera botatzeagatik. Helmugako marratik 50 metrora zeuden Saganek ukondoarekin eman dionean Cavendishi, esprinterrak ziztu bizian zihoazela. 

 

bideoaren irudia
Autodeterminazio erreferendumerako legea aurkeztu dute Kataluniako Parlamentuan.

2017-07-05

Urriaren 1eko galdeketa nazioarteko legedian oinarritu dute, eta Espainiak autodeterminazio eskubidea biltzen duten hitzarmenak sinatu izana du helduleku juridikotzat.

Gabriela Serra Cup alderdiko diputatuak adierazi du emaitza ezezkoa bada hauteskundeak deituko dituztela, baiezkoa gailentzen bada, berriz, Kataluniako Errepublika eratzeko prozesua abian jarriko dutela.

Marta Rovira Junts Pel Si alderdiko bozeramailearen arabera, juridikoki autodeterminaziorako eskubidea dugula adierazten du legeak. Xavier García PPko kideak, bestalde, esan du legearena "probokazio hutsa" dela, eta autonomia kentzea besterik ez dutela nahi.

Neus Munté Generalitateko bozeramailearen ustez, "arazo" bat duena Espainiako gobernua da, "ez delako ausartzen demokrazia arazo bati aurre egiten".

bideoaren irudia
Uztailaren 31ra arte luzatuko dute greba Bizkaiko Zahar Egoitzetako langileek

2017-07-04

200 greba egun baino gehiago daramatzate Bizkaiko Zahar Egoitzetako langileek. Berriki, greba uztailaren 31ra arte luzatzea erabaki dute, lan baldintza duinak aldarrikatzeko.

bideoaren irudia
Loiuko paella txapelketa

2017-07-03

Larunbatean Loiuko San Pedro eta Santa Luzia jaietako paella txapelketan izan ginen. Eguraldia lagun izan ez bazen ere, karpa eta toldoen artean babestuta, Loiuztarrek umore onez egin zioten aurre egunari. Azkenean, 50 koadrilla aurkeztu ziren lehiaketara, eta egitarauarekin aurrera jarraitu zuten.

bideoaren irudia
Gurean Gaur: Uztailak 3 sarrera

2017-07-03

Hiru egun besterik ez dira falta San Ferminak hasteko! Asteburuan egin ez dena, bestalde, Euskal Herria Zuzenean festibala izan da, baina hamaika festibal txiki egin dira Euskal Herriko hainbat tokitan. 

bideoaren irudia
Alarde parekidea Irun

2017-07-03

Txalo artean jaso du Irungo alarde parekideko Inma Landa jeneralak bandera, Joxe Diez Irungo Udaleko EH Bilduko zinegotziaren eskutik. 10:30ak aldera eman diote hasiera, eta adierazi dutenez, 1.300 pertsona inguru izan dira babesa eskaintzen.

Instituzioetako hainbat ordezkari ere bertaratu dira alarde parekidera, besteak beste, Denis Itxaso Gipuzkoako Kultura Diputatua, Maddalen Iriarte EH Bilduko legebiltzarkidea, Manu Lezertua Arartekoa eta Izaskun Landaida Emakundeko zuzendaria. Iriartek adierazi duenez, bestalde, bertan izan behar ziren beste hainbat ordezkari ere: "Hemen egon beharko lukete Iñigo Urkullu lehendakaria, Irungo alkatea eta Gipuzkoako ahaldun nagusia".

Alarde tradizionalari dagokionez, goizean goiz hasi da, 7:45ak aldera. Bertan izan dira harrera egiten Irungo alkatea, Javier de Andres Espainiako Gobernuaren ordezkaria eta PSE-EE, EAJ, Si Se Puede Irun eta PPko kideak.