Enkarni Gómez eta Ainhoa Güemes Virginia Wolfen eta Jorge Oteizaren poetikaz hausnartu dute EHUko Paraninfoan jarritako erakusketan.

Iruzur fiskalari aurre egiteko, Gipuzkoako Foru Aldundiak foru administrazioen artean informazioa konpartitzeko hitzarmena aurkeztu du. Diru sarrerak lortzeko ezinbesteko jotzen du aldundiak fiskalitateari merezi duen arreta eskaintzea. Horretarako neurriak ere bidean dira. Batetik, hamar lanpostu berri sortuko ditu Aldundiak iruzurraren aurkako jarduna areagotzeko. Bestetik, joan den astean iragarri zuen iruzurraren aurkako foru arau aurreproiektua, jendaurreko informazio tramitean dagoena, eta beste estatu batean izandako ondasunak aitortzeko derrigortasuna aurreikusten duena.

Ondarroako Aske Guneak 5. eguna bete du gaur. Urtzaren atxiloketa saihesteko batu direnek lau aldiz egin behar izan dute zubi gaineko herri harresia. Atzo Ondarruko Udalak ezohiko osoko bilkura egin zuen eta Urtzaren atxiloketa "Bakegintzaren aurkakoa dela" adierazi zuen. Lakuak bere aldetik, Ertzantzak "denon hobebeharrez" Ondarroako Aske Gunea era baketsuan hutsarazi behar duela adierazi du.