Hirugarren eguna Donostiako Zinemaldian. Zalaparta ederrak sortzen dira alfonbra gorritik nazioarteko artista ezagunak igarotzen direnean. Hirugarren saioan, ondoko gonbidatua izan ditugu: adituen solasaldian Mikel Garcia Argia astekariko zinema aditua eta Gontzal Agote Berriako zinema kritikaria, eta berriz, protagonisten solasaldian Kandido Uranga aktorea "Baztan" filmaren inguruan eta Igor Otxoa ekoizlea "Pura Vida" dokumentala aurkezteko. Erreportaje, soslai eta pelikulen irudiek osatu dute saioa.

Gurean Gaur saioan, Eneko Olasagasti zinema zuzendaria elkarrizketatu dugu. "Barrura Begiratzeko Leihoak" dokumentala izan dugu hizpide. Oztopoak oztopo pasa den astean Donostiako Viktoria Eugenian eskaini zuten. Emanaldi pribatuak izan ziren eta harrera ona izan zuen. Espainiako Auzitegi Nazionalak, ordea, dokumentalaren ale bat eskatu zuen aztertzeko. Polemikak bere horretan jarraitzen du.