Donostiako Kaskazuri jatetxearen sotoan bestelako liburutegia zabaldu dute. Kaxilda du izena, eta bertara hurbildu gara hobeto ezagutzera. Literaturak bestelako txokoa du Gipuzkoako hiriburuan.

"Euskal baleazaleak, berebiziko historia baten irudiak eta aztarnak" liburua aurkeztu du Jose Maria Unsainek, bere egileak. Urte askoko lanaren ostean, baleazaleen inguruko ikus ondarea bildu du bertan. Erdi Aroan hasi eta gure menderainoko denborazko ibilibidea da, hain zuzen, argazki, komiki, antzezkizun zein margolanez osaturiko bilduma hau.

"Ni, Vera" du izena Itxaso Martin Zapirain kazetari eta idazleak plazaratu duen lehendabiziko eleberriak. Martina da istorioaren protagonista, erotzeko zorian sentitzen den emakumea. Nahiz eta mutilak lagundu, nahiz eta psikologoarengana joan, amildegiaren ertzetik gero eta gertuago dago. Martinen hitzetan, liburuak kutsu autobiografikoa du.