Skip to main content
bannerra
Zuzenean Nahieran Ikusteko.tv

Azken bideoak: Musika

bideoaren irudia
ArteKale | Arratiatik Pyongyangera

2016-04-28

Musika proposamenek hartu dute programa. Arratiako Eskean Kristö taldeak “Ezkurrik Onenak” disko berria argitaratu du. Beraiekin izan gara lan berriaren xehetasunak ezagutzeko. Bestalde, “Egun on, Pyongyang” obra musikala zer den argituko dugu. Apirilaren 15ean estreinatu zuten proposamen garaikide hau. Donostiako Francisco Escudero Musika kontserbatorioko ikasleek ikus-entzunezko berezi bati soinubanda jarri diote, eta zuzenean eskaintzen dute. Bukatzeko, asteburuko kultura agenda errepasatu dugu.

bideoaren irudia
Hurbilean | Ines Osinaga musikaria

2016-03-18

Ines Osinaga Gose taldeko abeslari eta musikaria eseri da gurekin. Soinu txikiari zergatik eman nahi izan dion bestelako izaera, eta horrek zein oztopo eragin dizkion galdetu diogu, bestea beste. Gainera, askotan sortu dute zeresana bere kantuetako letrek eta horren inguruan hausnartzeko aukera izan dugu. Eta nola ez, abiatzear diren kontzertu biran zer topatuko dugun ere aurreratu digu.

bideoaren irudia
"Kanta Txikien Indarra" aldarrikatu du Josu Bergarak

2016-03-10

Josu Bergara musikari bizkaitarrak "Kanta Txikien Indarra" izeneko laugarren diskoa aurkeztu digu. Abeslariak hamar kantu berri eta lau zaharrez osatu du lana, eta zuzenean grabatu zituen Bilboko Kafe Antzokian. Melodien garrantzia eta freskotasuna agerian daude disko berrian. Berarekin hitz egin dugu xehetasun gehiago ezagutzeko.

bideoaren irudia
Jurgi Ekizaren bakarkako lanean barneratu gara

2016-02-25

"bH036" izena jarri dio Jurgi Ekizak bere bakarkako diskoari. Urtebeteko lanaren emaitza da. Pertsonala, oso barrenetik atera. Aspalditik gordeta zituen kantak eta ideiak ditu oinarri. Berarekin izan gara.
 

bideoaren irudia
Hurbilean | Aiora Renteria musikaria

2016-02-19

Aiora Renteria Zea Mays taldeko abeslariarentzat terapia modukoa da oholtza gainera igo eta kantuan hastea. Era honetan, taldekideekin batera, barrenak hustutzen dituela dio. Abestuz ez bada, ordea, kosta egiten zaio bere kezkak eta gogoetak besteekin elkarbanatzea. Guk, aldiz, lortu dugu Hurbilean saiora ekarri eta gure besaulkian eseritzea. Zea Mays taldearen ia 20 urteko errepasoa egitearekin batera, Aiora Renteria gertutik ezagutu dugu.

bideoaren irudia
Hurbilean | Mikel Urdangarin musikaria

2016-02-05

2015a urte berezia izan da gure gonbidatuarentzat. Mikel Urdangarin, gitarra eskuan, bakar-bakarrik aritu da oholtzaz oholtza hainbat kantu berri eta bere ibilbidean horren ezagun egin diren lanen moldaketak eskaintzen. Aurreikusi zuenaren arabera, pasa den urterako proiektua zen hura, baina oraindik ere kontzertu zerrenda luzea du aurretik eta horien artean tartetxo bat hartu du gurera etortzeko. Bere ibilbidea errepasatu dugu, bere kantugintzaren inguruan hausnarketa egin dugu eta etorkizunera begira dituen asmoez galdetu diogu.

 
 

Creative Commons-en baimena