Skip to main content
bannerra
Zuzenean Nahieran Ikusteko.tv

Azken bideoak: Euskara

bideoaren irudia
Euskararen erabilera sustatu nahi dute Berbagunearen bosgarren edizioan

2016-12-07

Berbagunearen bosgarren edizioa aurkeztu du Bilboko Udalak, Bizkaiko Foru Aldundia eta Bilboko euskaltegien sarearekin elkarlanean. Datorren asteazkenean, abenduaren 14an, egun osoko Berbagunea egongo da Azkuna Zentroan. 1.600 pertsonak parte hartzea espero da.

bideoaren irudia
Merkataritzan hizkuntza normalizazioa sustatzeko proiektua

2016-10-03

Biribilko, merkataritzan hizkuntza normalizazioa sustatzeko proiektua aurkeztu du Bilboko Udalak, Bilbao Dendak, HABE eta Bilboko euskaltegien sarearekin elkarlanean. Bilboko merkataritzan euskararen ezagupena eta erabilera bultzatzea du helburu. Horretarako, merkatarien behar eta ordutegietara egokitutako ikastaroak antolatu dituzte. Urriaren 13ra arte dago zabalik izen-emate epea www.biribilko.com webgunean.

bideoaren irudia
Martxan da Bilboko euskaltegietako matrikulazio kanpaina

2016-08-31

2016-17 ikasturterako matrikulazio kanpaina abiatu dute Bilboko Udalak eta Euskaltegien sareak. "El euskera para todas las personas y para todos los días" lelopean, jendea euskaltegietan euskara ikastera animatu nahi dute, eta, batez ere, euren bizimoduan eguneroko tresna izan dadila. Bilboko Udalak diru-laguntzak eskuratzeko aukera emango die zenbait kolektibori. Euskaltegietako matrikulazioa irailaren 1ean hasiko da.

bideoaren irudia
"Gaur irekiko ditu ateak", ekainean ikusgai Euskal Herrian!

2016-06-01

"Gaur irekiko ditu ateak" dokumentala Euskal Herriko hainbat txokotan ikusi ahal izango da. Ekainaren 2an, Gasteizko Oihaneder Euskararen Etxean; ekainaren 3an, Gernikako Astran; ekainaren 6an, Bilboko Kafe Antzokian eta Donostiako Kutxa aretoan; ekainaren 9an, Iruñeko Katakraken; ekainaren 17an Urruñako Itsasmendi zine aretoan.

Informazioa gehiago: www.gaurirekikodituateak.eus

bideoaren irudia
Gazteek zergatik ez dute euskaraz hitz egiten?

2016-05-26

Urteak daramagu esanez euskararen alfabetatze mailak gora egin badu ere, erabilerak behera egin duela. Gazteei begiratzen diegu gaiaz hitz egiterakoan, eta horregatik, Aizank! saioan protagonistei galdetu diegu zer iritzi duten. Bilboko Urretxindorra ikastolako gazteekin osatu dugu solasaldia. D ereduan ikasi badute, eta euskaraz hitz egiteko oztoporik ez badute, zergatik erabiltzeko dute gaztelera?

bideoaren irudia
Merkataritzan euskararen erabilera normalizatzeko helburua du Biribilko programak

2016-04-06

Bilboko Udalaren Euskara eta Hezkuntza Sailaren, Bilbao Ekintza udal sozietatearen, HABEren, euskaltegien sarearen eta Bilbao Dendak elkartearen arteko lankidetzaren ondorio da Biribilko programa eta merkataritzan euskararen erabilera normalizatzeko helburua du. Aurten 176 izango dira honetan parte hartuko duten ikasleak eta hauek bi ikastaro motatan hartuko dute parte. Lehena euskeraz ez dakiten edo oso gutxi dakitenentzat bideratutako ikastaroa dugu eta bigarrena berriz, ahozko eta idatziko maila hobetu nahi dutenentzat.

 
 

Creative Commons-en baimena