Skip to main content
bannerra
Nahieran Ikusteko.tv

Azken bideoak: Kirola

bideoaren irudia
Harrobia | Txapeldunak!

2016-06-13

Athleticen Liga ospakizuna hurbiletik jarraitu genuen, Harrobia programan eskaintzeko. Milaka zale bildu ziren Bilbon titulua ospatzeko, eta hainbatek Gabarra ateratzeko eskaera egin zuten. Zuri-gorrien denboraldia ez ezik, Reala eta Oiartzunena ere baloratu dugu, eta Kopari begira jarri gara. Bestalde, Osasunak Lehen Mailara igotzeko aukeraz, Eurokopaz eta Ameriketako Kopaz hitz egin dugu. Gurekin izan dira Koikili Lertxundi futbolari ohia eta Ane Urkiri kazetaria.

bideoaren irudia
Harrobia | Athletic txapeldun!

2016-06-06

Bederatzi urteren ondoren, Athleticek emakumezkoen liga irabazi du bosgarrenez. Oviedo Modernori irabazi ondoren (3-0), ezustean Bartzelonak galdu egin zuen Atleticoren kontra eta horrela, zuri-gorriek eskuratu dute liga. Larunbatean Lezaman izan ginen, partidua ikusten eta bertaratu zirenekin zein protagonistekin hitz egiten. Athleticen lorpena aztertu dugu Iraia Hermosilla eta Eñaut Barandiaranekin. Bestelakoak ere jorratu ditugu, Osasunak Lehen Mailara igotzeko jokatuko dituen kanporaketak eta gure gainontzeko futbol taldeen gaurkotasuna.

bideoaren irudia
Harrobia | Athleticek Liga eskura, Alaves Lehen Mailan!

2016-05-30

Athleticeko neskek garaipen garrantzitsua lortu zuten Atleticoren zelaian (1-2). Horrela, Liga irabazteko aukera gertuago dute, nahiz eta Bartzelona puntu bakarrera izan (Oiartzuni 0-5 irabazi zioten). Realak ere Transportes gainditu zuen Zubietan (4-2). Horrez gain, Alaves gizonezkoen Lehen Mailara igo da automatikoki eta jardunaldi baten faltan. Arabarrak bueltan dira. Asteburuko gure futbol taldeen emaitzen balorazioa egin dugu Asier Laraudogoitia eta Urtzi Jauregibeitiarekin.

bideoaren irudia
Hurbilean | Jose Luis Korta arraunlaria

2016-05-27

Hurbilean saioan Jose Luis Korta arraunlaria elkarrizketatu dugu. Zeresan handia eman du Kortak bere ibilbidean zehar. Une gozo eta ez horren gozoak eman dizkio arraunak. Azken urteetan tira-biren erdigunean egon da eta ez du ezer isilpean gorde. Pentsatzen duen hori ez esateak minbizia sortzen omen dio. Aukera aprobetxatu eta gertutik ezagutzearekin batera, denetariko gaiak landu ditugu berarekin.

bideoaren irudia
Jose Luis Korta, Hurbilean saioan!

2016-05-27

Arraunlari ohi eta entrenatzaileari elkarrizketa berezia. Hauxe duzue aurrerapena. Osorik ikusgai, ostiralean, maiatzak 27, 21:30ean.

bideoaren irudia
Harrobia | Athleticeko neskak nagusi euskal derbian

2016-05-23

Athletic 2 - Oiartzun 0. Zuri-gorriek irabazi zuten Lezamako euskal derbia eta sailkapeneko buruan jarraitzen dute. Bartzelonak Reala gainditu zuenez, bigarren segitzen dute Athleticengandik puntu bakarrera. Derbian jasotako adierazpenak eskaini ditugu programan analisia egitearekin batera. Bestalde, gizonezkoen Bigarren Mailari eta Bigarren B Mailari erreparatu diogu. Gurekin izan dira Garazi Muniain eta Gontzal Astorki.