Donostiako Onkologikoaren inguruko protestak aurrera jarraitzen du. Bere etorkizuna argitu arte, elkarretaratzeak egiten hasi ziren astearteetan, galdera jakin batekin. Alegia, zeinek agintzen duen Onkologikoan, Gipuzkoak edo Madrilek. Kezka nagusia, ospitalearen organigramatik dator. Gara egunkarian azken asteetan argitaratutako albisteen arabera, aipaturiko organigraman sektore pribatutik datozen hainbat enpresa leudeke. Izan ere, Aholkularitza Batzorde Zientifiko bat eratu zuten pasa den urtean, zazpi kidez osaturikoa. Horietako lauk, harremana dute Hospitales de Madrid sare pribatuarekin.

Irakaskuntzako langileak beste behin kalera atera dira, ela lab eta steilas sindikatuok eusko jaularitzak 2013rako aurkeztutako aurrekontuak murrizketen bide bidean sakontzen dutela salatu dute. Irakazkuntzari dagokion partidan 2012koekin alderatuta ehuneko 9ko murrizketa egongo da.

Datorren hilaren 19an ikastetxe guztietan ekimen eta mobilizazioetan parte hartzera deitu dute.

Gaur urtebete igaro da Ertzaintzak jaurtitako pilota batek Iñigo Cababas jo zuela, eta lau egun geroago ospitalean hil zela. Gervasio Gabirondo Ertzaintzaren zuzendariak istriputzat jo du Basauriko gaztearen heriotza, eta sentitzen duela esan dio familiari. Bestalde, Juan Calparsoso EAEko fiskalburuak ez du baztertu Cabacas auzian inputazioak eskatzea.

Gipuzkoako Foru Aldundia pozik agertu da Eusko Jaurlaritzak Pasaiako kanpoko portua eta Donostia aldeko metroaren proiektuak gelditu izanagatik. Bi proiektu horiekin batera, Diputazioak berretsi du Abiadura Handiko Trenaren kontra ere badagoela. Nolanahi ere, nabarmendu dute denborak arrazoia eman diola EH Bilduk gidatutako aldundiari.