Epaileak artxibatu egin du Yolanda Barcinak Kontuz taldearen kontra jarritako salaketa. Hain zuzen ere, Nafarroako Presidenteak auzitara eraman zituen plataforma eta Patxi Zamora bozeramailea, iragan martxoaren 12an. Salaketa faltsuak egitea eta iraintzea egotzi zien Barcinak. Plataformak Barcina salatu zuen Nafarroako Kutxako hainbat operaziotan informazio pribilegiatua baliatzea egotzita. Urtarrilean jarritako salaketan, Kontuz-ek Barcinari leporatu zion Nafarroako Kutxako informazio pribilegiatua baliatzea.

Gurean Gaur saioaren elkarrizketa atalean, Eneko Andueza PSE-EEko politikaria izan dugu. Alderdi sozialistaren inguruko gaiak gaurkotasunarekin uztartu ditugu. Hala nola, aurrekontuei aurkeztutako osoko zuzenketa, fiskalitatea, Nafarroako egoera, Donostiako gazteen atxiloketa, Ertzaintzaren jarduna eta etxe kaleratzeen kontrako plataformen protestak.

Aske gunean babestuta zeuden sei gazte zigortuak atxilotu ditu Ertzaintzak. Herri harresi sendoa desegin dute, banan-banan jendea indarrez ateraz. Larunbat goizean Martuteneko kartzelara martxa egingo dute, atxilotuak bertan egongo direlakoan. Politikari eta herritarrek epaiketa politikoekin amaitzeko eskatu dute.

Gurean Gaur saioaren elkarrizketa atalean, Txente Rekondo Nazioarteko politika aditua izan dugu. Venezuelako hauteskundeen emaitzak izan ditugu hizpide. Chavisten garaipen estuaren inguruko hausnarketa eskaini digu.