Skip to main content
bannerra
Nahieran Ikusteko.tv

Bilbo

Errealitateak utzitako orbainak, Mikel Etxabururen poematan

2016-10-27

"Lo zaudela zabaldu dizkizut begiak" du izena Ondarroako Mikel Etxaburu idazlearen poema liburu berriak. Errealitateak utzitako orbainak izan dira testuen abiapuntua, betiere esperantza puntu batekin. Kritikotasuna eta kontzientzia hartzearen garrantzia nabarmendu ditu Etxaburuk, poesiaren zentzu eraldatzailearen alde eginez.

"Francoren bilobari gutuna" urriaren 31n irakurriko dute lehen aldiz

2016-10-27

Artedrama, Dejabu Panpin Laborategia eta Le Petit Theatre de Pain antzerki konpainiak antzerki obra berriarekin datoz: "Francoren bilobari gutuna". Urriaren 31n izango da estreinaldia Luhuson eta hortik aurrera emanaldi mordoa dituzte lotuta Euskal Herriko antzokietan zehar. Frankismoak gure gizartean utzi dituen zauriak erakusten ditu antzezlanak, eta Ximun Fuchs zuzendariak xehetasunak eman dizkigu.

IDEMtitateak / Emakumea bertsolaritzan

2016-10-21

Emakumeek bertsolaritzan duten paperaz eta aitortzen zaizkien rolez aritu gara. Emakumeak badaude oholtza gainean, baina nola? Arau propioekin ala aldez aurretik gizonezkoek ezarritakoekin? Emakumeen sexualitatez kantatzen al da? Eta egiten denean ere, nola egiten da? Galderei ondoko hiru protagonistek erantzun diete: Estitxu Arozena, Onintza Enbeita, Uxue Alberdi eta Ainhoa Agirreazaldegi.

 

 

Ertzak / Klima aldaketa, ikuspegi ekonomikotik

2016-09-08

Klima aldaketa ikuspegi ekonomikotik landu dugu. Izan ere, galdera batek kezkatzen gaitu: klima aldaketak porrot ekonomikora eramango gaitu edo gure eredu ekonomikoaren hutsegiteen ondorio zuzena da? Hainbat aditurekin izan gara.

Ertzak / 15M eta Syrizarekin loturarik badugu?

2016-09-07

Zer nolako lotura dute Euskal Herria, Katalunia eta Eskoziako mugimendu independentistek Greziako Syriza eta 15M mugimenduarekin? Horri begira jarri gara Martxelo Diaz, Jule Goikoetxea, Jon Azkune eta Koldo Bilbaorekin.

Ertzak / Eraso sexistei aurre eginez

2016-09-06

"Beldurra lekuz aldatuko dugu" lelopean hainbat manifestazio egin ziren iragan udan. Eztabaida mahai-gainean jarri zuten, eta horri begira jarri gara programan, mugimendu feministari ahotsa emanez. Kattalin Miner, Idoia Arraiza, Izaskun Landaida eta Hegoa Ugalderekin hitz egin dugu.

 
bannerra

bannerra