Larrabetzuko Literaturia jaialdia maiatzaren 31tik ekainaren 2ra bitartean ospatuko da. Ohi bezala, liburu aurkezpenak, antzerkia, musika eta mahai-inguruak izango dira nagusi, literatura bere forma guztietan gozatzeko aukera eskaini nahian. Aurtengo leloa ‘kale gorrian’ izango da.

Euskal Herri osoan era askotako ekitaldiekin ospatu da Liburuaren Nazioarteko eguna. Donostian adibidez Gipuzkoa Plazan ohiko liburu azoka izan da,  hamar erakusmahairekin hornitua. Bilbon berriz Berastegi kalean izan da azoka, bertan, liburu ezagunen irakurketak, idazleen sinadurak eta bestelako ekimen asko izan dira.

Josune Ariztondo kultura ahaldunak ezagutzera eman du 2013. urtean Foru Liburutegiak izango duen eduki sorta. Irakurketa taldeak, erakusketak, lehiaketak eta mahai-inguruak iragarri dituzte besteak beste.  

Ataramiñe elkarteak euskal errepresaliatu politikoen literatura biltzen duen kultur elkartea da. 11. edizioa da aurtengoa eta 21 preso eta iheslarik hartu dute parte. Oier Goitiaren Fakin Xokona poema liburua, Xabier Makazagaren Sasian barna nobela, Mikel Antzak eta Iker Morenok umeentzat zuzenduta dagoen Kandela bat pizteko behar dena liburua, eta Ataramiñe´12 euskal presoen lanen bilduma.       

Donostiako Kaskazuri jatetxearen sotoan bestelako liburutegia zabaldu dute. Kaxilda du izena, eta bertara hurbildu gara hobeto ezagutzera. Literaturak bestelako txokoa du Gipuzkoako hiriburuan.