Skip to main content
bannerra
Zuzenean Nahieran Ikusteko.tv

Albisteak

"Now Euskal Herrira" ekimenaren goizeko testigantzak

2015-01-10

Presoen senideak, iheslariak, preso ohiak, sarekideak eta herritarrak elkarrizketatu ditugu Bilbon, "Now Euskal Herrira" ekimenaren atarian. Hemen dituzue bildutako testigantzak.

Larunbatean Bilboko mobilizazioan parte hartzera deitu du Sarek

2015-01-07

"Now Euskal Herrira" lemapean euskal presoen sakabanaketaren kontrako martxa baketsu eta isila egingo da larunbatean Bilbon. Sare ekimeneko ordezkariek martxan parte hartzera deitu dute, gaur eskainitako prentsa agerraldian. Adierazi dutenez, argi dute hainbeste urteetako liskarrek utzitako oinazeei aurre eginez, mobilizazio irekia izango dela.

Bizkaiko Kluben Arteko Txapelketaren finalak bihartik aurrera

2014-12-18

Hogeitalaugarren ediziora iritsi da Bizkaiko Kluben Arteko Txapelketa. Bizkaiko Pilota Federaziotik nabarmendu dute partaidetzak gora egin duela, eta beraz, badela etorkizunik. Bihar, abenduak 18, eskuz binakako 22 urte azpikoen eta nagusien finalak jokatuko dira Gernikan. Iurreta eta Lemoa aurrez aurre ariko dira. Nagusietan, berriz, Galdakaoko Adiskide eta Elorrioko Berriotxoa klubak ariko dira elkarren kontra. Hain zuzen ere, aipaturiko bi finalak Hamaika Telebistan eskainiko ditugu urtarrilaren 11n, arratsaldeko 17:30ean.

Irujo, 2014ko erregea

2014-12-16

Urteko hiru txapel handiak janztea lortu du Juan Martinez de Irujok, 4 eta erdiko finalean Olaizola II.a 22-17 menderatuta. Historian zehar, Julian Retegi eta Irujo bera dira urte berean hiru txapel preziatuenak janztea lortu duten pilotari bakarrak. Iberoarrak, ordea, hizki larriz idatzi du bere izena pilotaren historian, lehena baita hirukoa (Binakakoa, Buruz-burukoa eta Lau eta erdikoa urte berean irabaztea) bi urte ezberdinetan lortzen. 2006an egin zuen lehen hirukoa, eta aurten bigarrena. Bizkaia pilotalekuan jokatutako finalean Aimar baino gehiago izan da Irujo, eta merezita irabazi du txapelketa.

"Suturak. Cerca a lo próximo" erakusketa, San Telmo Museoko izarra

2014-11-25

Urtarrilaren 25era arte egongo da zabalik San Telmo Museoan Suturak. Cerca a lo próximo erakusketa. Euskal Herriko garai ezberdinetako 50etik gora artistak egindako lanak daude ikusgai eta Euskal Herriaren azken hamarkadetako gertakariak dira protagonistak.

Arrietako San Martin azoka ate joka dugu

2014-11-06

Jaiegun seinalatua izan da azaroaren 11a euskal tradizioan; San Martin eguna. Izan ere, txerria hiltzeko egun aproposa zen baserritarrentzat. Negu latzari aurre egiteko laguntza paregabea eskaintzen zuten txerrikiak prestatzen hasteko egun egokia. Arrieta herri nekazaria izanik bertan ere San Martin eguna garrantzitsua da oso eta jai handia ospatzen dute.

 
bannerra

bannerra
 

Creative Commons-en baimena