Skip to main content

Sindikatu edukiaAlbisteak

Sevilla II-ko presoen egoera salatzeko mobilizazioa izango da larunbatean Bilboko kaleetan

2013-11-28

Sevilla II-ko presoen egoera salatzeko mobilizazioa deitu dute presoen senide eta lagunek. Aldarrikapenak etenik ez duela esan dute eta orain lekukoa herritarrek hartu behar dutela gaineratu dute. Larunbaterako, azaroaren 30erako deitu dute manifestazioa Bilboko Plaza Eliptikotik hasita.  Gaur bertan utzi dute Sevilla II-ko euskal presoek bertan behera gose greba. Gaur 31. eguna zuten.
 

Bina urteko kartzela zigorra ezarri diete "tartalariei"

2013-11-27

Espainiako Auzitegi Nazionalak bina urteko zigorra eta hiru hilabeteko isun ekonomikoa ezarri die Gorka Ovejero, Julio Villanueva eta Ibon Garcia auzipetuei, 2011n Yolanda Barcinari tartak botatzea egotzita. Mikel Alvarezi, berriz, konplize izatea egotzi dio epaileak, eta urtebeteko zigorra jaso du. Ebazpenean epaileak adierazi duenez, ez dira kartzelara joango, ez baitute aurrkaririk.

Sevilla II espetxeko egoeraren aurrean erantzun dezaten eskatu die Sortuk instituzioei

2013-11-27

Sevilla II espetxeko presoek gose greban 31 egun bete dituzten honetan, Sortuk espetxe politika kriminalaren aurkako neurriak hartzeko eskatu die euskal instituzio eta eragileei. Alderdi Popularra egoeraren arduradun zuzentzat jo dute abertzaleek, eta, era berean, euskal instituzio nagusietako agintariei eskatu diete ez ikusiarena ez egiteko. Sortuk bere atxikimendua adierazi dio igandean Donostian egingo den manifestazioari.

Sevilla II espetxeko egoerarekin amaitzeko eskatu dute presoen herrietako alkateek

2013-11-26

Sevilla II espetxean gose greban dauden euskal presoen herrietako EH Bilduko alkate eta zinegotziek bertako presoen egoera salatu eta horrekin amaitzeko eskatu diote Espainiako Espetxe Erakundeari. Hilabete inguru daramate dagoeneko gose greban. Senideek, presoek hartutakoa halabeharrezko neurria izan dela salatu dute, espetxeko bizi baldintza jasangaitzek behartutakoa.

EH Bilduk osoko zuzenketa jarriko die aurrekontuei

2013-11-26

"Euskal jendartearen ongizatea eta etorkizuna" da oinarrizkoa EH Bildurentzat, eta Jaurlaritzaren aurrekontuek ez diete premia sozialei erreparatzen. Marian Beitialarrangoitia legebiltzarkideak azaldu duenez, osoko zuzenketa jarriko die aurrekontuei. Herritarrentzat premiazkoak diren beharrei ez diete erantzuten Jaurlaritzak aurkeztutako aurrekontuek, EH Bilduren ustez. Are gehiago, "oinarrizko esparruetan", hezkuntzan eta osasun arloetan, "murrizketetan sakondu" egiten dute.

Emakumeen kontrako indarkeria estrukturala dela salatu du Sortuk

2013-11-25

Emakumeen kontrako indarkeria estrukturala dela eta honi aurre egiteko ordena soziala iraultzea ezinbestekoa dela adierazi du Sortuk. Zentzu honetan, azaroak 25a emakumeon boteretzea aldarrikatzeko eguna dela azpimarratu dute.

 
 
Premium Drupal Themes by Adaptivethemes
  • CMN TV
  • Deia
  • Diario de Noticias
  • Diario de Araba
  • Diario de Gipuzkoa
  • EKHE
  • Gara
  • Le Journal
  • EKT
  • Berria
  • Hitza
  • Bainet
  • Elkar
  • Euskaltel
  • Ibaizabal
  • BFA
  • GFA
  • EJ