Skip to main content

Sindikatu edukiaAlbisteak

PPk eta PSOEk aurkeztu nahi duten inkonstituzionaltasun errekurtsoa kritikatu du EAJk

2014-02-17

Aitor Esteban Espainiako Kongresuko EAJko bozeramaleak gogor hitz egin du PPk eta PSOEk Autonomia Estatutuen erreformarako berreskuratzea adostu duten inkonstituzionaltasun errekurtsoaren kontra. Errekurtso hori lege proposamen baten bidez aztertuko da bihar Kongresuko Osoko Bilkuran.

Giza katea burutu du Gune Plataformak pobrezia eta prekarietatearen kontra

2014-02-14

Giza katea burutu du Gune Plataformak Bilboko kaleetan gobernuek aplikatzen duten politika antisozialak salatzeko. Bilboko Moyua plazan dagoen Gobernu Delegaritzan hasi dute katea eta Eusko Jaurlaritzak Gran Via kalean duen ordezkaritzan bukatu dute. Gran Via-ko ordezkaritzaren aurrean, gobernuek hartzen dituzten neurrien bidez pobreziara eta prekarietatera kondenatu nahi gaituztela salatu dute. Baita protesta eskubidea kriminalizatu nahi dutela ere.

Torturaren kontrako egunean mediku baten iritzia jaso dugu

2014-02-13

Otsailak 13, Torturaren Aurkako Nazioarteko eguna. 2014ean oraindik ere torturatzen dela uste du Mati Iturralde medikuak. Tortura fisikoak gutxitu diren arren, tortura psikikoek gora egin dutela nabarmendu digu. Bere testigantza lagun, torturaren aferak gaur egun duen argazkia ezagutu nahi izan dugu.

Subiranotasunerantz abiatzeko Euskal Bidearen oinarriak aurkeztu dituzte Sortuk, LABek eta Ernaik

2014-02-13

Zutik Euskal Herriaren jarraipena izango den eta subiranotasuna helburu duen Euskal Bidea aurkeztu dute Sortuk, Ernaik eta LABek. Estrategiaren oinarri nagusiak mahai gainean jarri dituzte.

Igeldo herri izendatzeko dekretua bertan behera utzi du EAEko Auzitegiak

2014-02-12

Bertan behera utzi du Igeldo herri izendatzeko dekretua Euskal Autonomi Erkidegoko Justizia Auzitegi Nagusiak. Herri galdeketan erabaki hori hartu zuten igeldotarrek, eta Gipuzkoako aldundiak dekretu baten bidez herri izaera eman zion Igeldori. Ordea, Donostiako udalak, oposizioko alderdiek udalbatzan erabakita, auzitara jo zuen eta arrazoi eman dio. Larraitz Ugarte Gipuzkoako Foru Aldundiko bozeramaileak iragarri du diputazioak helegitea jarriko duela erabakiaren kontra. Helegite horretan defendatuko du aldundiak arrazoi duela auziaren oinarrian eta dekretua balekoa dela.

PSE-EEk instituzioen bikoizketa saihesteko proposamena aurkeztuko du

2014-02-12

Euskadiko Sozialistek bihar Eusko Jaurlaritzan eta hiru lurraldetako Batzar Nagusietan legez besteko proposamena aurkeztuko dute, instituzioek dituzten bikoizketak ekiditeko. Idoia Mendiak gogorazi du sozialistak aspaldi dabiltzala lanean bikoizketak eman ez daitezen. Esaterako, irailean EAJrekin sinatutako akordioan gai honek garrantzia handia zuela azaldu du. Sozialistek ez dute ulertzen nola egon daitezkeen 200 enpresa publiko esparru berdinean lanean. Mendiarentzat ulertezina da A-8 autopista bi enpresa desberdinek kudeatzea.

 
 
Premium Drupal Themes by Adaptivethemes
  • CMN TV
  • Deia
  • Diario de Noticias
  • Diario de Araba
  • Diario de Gipuzkoa
  • EKHE
  • Gara
  • Le Journal
  • EKT
  • Berria
  • Hitza
  • Bainet
  • Elkar
  • Euskaltel
  • Ibaizabal
  • BFA
  • GFA
  • EJ