Skip to main content

Sindikatu edukiaAlbisteak

Nafarroako D ereduko irakasleen aurkako neurriak aztertzen ari da Espainia

2013-12-12

Jorge Fernandez Diaz Espainiako Barne ministroak jakinarazi du eskoletan gorrotoa sustatzearen aurka jardungo duela gobernuak. Zehaztu du “ETA eta bere tentakuluak” ikasgeletan barneratzea saihesteko neurriak aztertzeari ekin diotela.

Fernandez Diazek ez du alboratu legea aldatzea, eta esan du “terroristak” hezkuntzan “infiltra” ez daitezen beharrezko neurriak hartzeko prest dagoela.

Martuteneko hamabost presok Zestoako birgaitze lanetan parte hartuko dute

2013-12-11

Aranzadi Zientzia elkarteak antolatuta, Martuteneko kartzelako hamabost presok Zestoako tren geltoki zaharra birgaitzeko lanetan parte hartuko dute. Esperientzia pilotu honen asmoa, gizarteratzeko programak hobetzea eta kultur ondare diren eraikin multzo esanguratsua berreskuratzea da.

"Tantaz Tanta" ekimenak urtarrilaren 11ko mobilizazioa erregistratu du

2013-12-11

Gaur goizean "Tantaz Tanta" ekimenak ofizialki erregistratu du Bilbon urtarrilaren 11n egingo den mobilizazioa, "Giza eskubideak, irtenbidea, bakea. Euskal Presoak Euskal Herrira" goiburuarekin. Deialdia, ekimen hau osatzen duten 1200tik gora pertsonen izenean egin dute. Kanpaina honetarako, ez dutela atxikimendu kolektiborik bilduko azpimarratu dute ekimenetik, eta herritar guztiei dei egin diete mobilizazioarekin bat egin dezaten.

Giza Eskubideen Adierazpenak hogei urte bete ditu

2013-12-10

Giza Eskubideen Adierazpena egin zela 20 urte bete direnean, hainbat ekitaldi egin dira Euskal Herria osoan. Donostian, Aieteko Bakearen Etxean adierazpenak biltzen dituen 30 artikuluak irakurri dituzte. Juan Karlos Izagirre alkateak bakea eta justizia batera datozela, eskubideak direla eta denen artean eraiki behar direla azpimarratu du. PP eta Coviteko kideak ez dira ekitaldira joan.

Hiru eguneko greba egingo dute Bizkaiko zahar etxeetako langileek ELAk deituta

2013-12-10

ELA sindikatuak deituta, hiru eguneko greba egingo dute aste honetan Bizkaiko zahar etxeetako langileek. Gaur, bihar eta etzi. Espainiako Gobernuaren lan erreforma aplikatzeak arriskuak dakartzanez, bertan behera uzteko eskatu dio patronalari ELA sindikatuak . Bizkaiko Foru Aldundiari, berriz, lan gatazkan neurriak ezartzeko exijitu dio, egoitzetako langileen lan baldintzak berma ditzan.

Eskerrik asko ikus-entzule Landakoenea saioarekin bat egiteagatik!

2013-12-09

Guztira lau egun, 353 nobedade eta 130 ekitalditik gora izan dira azokan. Guzti guztiak noski ezin izan digu gurean sartu baina askoren berri bai eman dizuegula. Horretarako Landako gunearen erdi erdian txoko berezia izan du Hamaika Telebistak. Eta gurekin ere Berria Egunkariko lankideak. Azokaren estutasunak bukatuta balorazioak egiteko unea heldu zaigu. Baina guztiaren gainetik zuei eskarrak emateko unea dugu. Eskerrik asko pantailaren beste aldean izan zareten guztiei.

 
 
Premium Drupal Themes by Adaptivethemes
  • CMN TV
  • Deia
  • Diario de Noticias
  • Diario de Araba
  • Diario de Gipuzkoa
  • EKHE
  • Gara
  • Le Journal
  • EKT
  • Berria
  • Hitza
  • Bainet
  • Elkar
  • Euskaltel
  • Ibaizabal
  • BFA
  • GFA
  • EJ