Urriaren 6an izango da datorren Kilometroak festa. Hirugarrenez, Tolosako Laskorain ikastola izango da antolatzailea. "Ahora!" lelopean, euskaraen erabilpena bultzatzeko eta eraikin berriko gastuei aurre egiteko helburua erakutsi dute.

Eusko Jaurlaritzak gehiegikeria polizialen biktimei errekonozimendua emateko batzordea sortu zuen, eta honek hainbat txosten eta diruordain ebatzi ditu, tartean biktima bezala onartu ditu Txiki eta Otaegi, 1975ean erahil zituzten ETA kideak. Ahaztuak 1937-1975 elkarteak balorazio positibo egin du ekimenaren inguruan, baina oraindik ere badago zer hobetu, elkartearen arabera, tartean borrokalari onarpena, edo gehiegekeriaren errudun horien plazaratzea.

Krisialdi garaian ezker politikaren eta eskuinekoaren arteko aldeak are nabariagoak direla uste du EH Bilduk, eta hala, Araba eta Bizkaiaren aurrekontuak ez direla egokiak ebatzi du koalizio abertzaleak, eta Gipuzkoako aldundiaren gestioa plazaratu du eredu gisa. Menpekotasun legeari aurre egin izana, edo etxe kaleratzeen aurrean jarrera aktiboa hartu izana plazaratu ditu EH Bilduk bi gestio ereduen arteko aldearen irudi nabarmen gisa.

EH Bilduk Kutxaren batzarrean gertatutakoaren aurrean helegitea jarriko duela iragarri du. EAJ inpugnazio baten bidez nagusitu dela eta atzean etika, gardentasuna eta demokrazia falta egon direla salatu du.

Durangoko Azokaren 47. ekitaldia osatuko duten guneak aurkeztu ditu Gerediaga Elkarteak. Orotara, zortzi izango dira: areto nagusia, Ahotsenea, Irudienea, Saguganbara, Azoka Tv, Szenatokia, K@bia eta Plateruena. Gune hauetan guztietan 300 ekitaldi baino gehiago izango dira. Iaz hasitako bideari segida emateko asmoarekin, aurten gune berrien egonkortasuna eta uzta jasotzea dute helburu.