Ataramiñe elkarteak euskal errepresaliatu politikoen literatura biltzen duen kultur elkartea da. 11. edizioa da aurtengoa eta 21 preso eta iheslarik hartu dute parte. Oier Goitiaren Fakin Xokona poema liburua, Xabier Makazagaren Sasian barna nobela, Mikel Antzak eta Iker Morenok umeentzat zuzenduta dagoen Kandela bat pizteko behar dena liburua, eta Ataramiñe´12 euskal presoen lanen bilduma.       

Bere berrantolatze prozesuaren nondik norakoak azaldu ditu Udalbiltzak. Batzar eratzailearen bidean, ekimen berriak jarriko ditu martxan, eta ezinbestekotzat jo du berreratzea. Horretarako, elkarlanerako deia egin die Euskal Herria aintzat hartzen duten udal ordezkari guztiei.

Urriaren 6an izango da datorren Kilometroak festa. Hirugarrenez, Tolosako Laskorain ikastola izango da antolatzailea. "Ahora!" lelopean, euskaraen erabilpena bultzatzeko eta eraikin berriko gastuei aurre egiteko helburua erakutsi dute.

Eusko Jaurlaritzak gehiegikeria polizialen biktimei errekonozimendua emateko batzordea sortu zuen, eta honek hainbat txosten eta diruordain ebatzi ditu, tartean biktima bezala onartu ditu Txiki eta Otaegi, 1975ean erahil zituzten ETA kideak. Ahaztuak 1937-1975 elkarteak balorazio positibo egin du ekimenaren inguruan, baina oraindik ere badago zer hobetu, elkartearen arabera, tartean borrokalari onarpena, edo gehiegekeriaren errudun horien plazaratzea.

Krisialdi garaian ezker politikaren eta eskuinekoaren arteko aldeak are nabariagoak direla uste du EH Bilduk, eta hala, Araba eta Bizkaiaren aurrekontuak ez direla egokiak ebatzi du koalizio abertzaleak, eta Gipuzkoako aldundiaren gestioa plazaratu du eredu gisa. Menpekotasun legeari aurre egin izana, edo etxe kaleratzeen aurrean jarrera aktiboa hartu izana plazaratu ditu EH Bilduk bi gestio ereduen arteko aldearen irudi nabarmen gisa.