Skip to main content

Sindikatu edukiaAlbisteak

Bi pertsona atxilotu dituzte foro ekonomikoaren kontrako mobilizazioetan

2014-03-03

Foro Ekonomikoaren aurkako mobilizazioak izan dira gaur Bilbon. 10:00etan Jesusen Bihotzetik atera da lehen zutabea eta, bestea, Arriaga plazatik. Liskarrak sortu dira manifestari eta ertzainen artean. Hainbat edukiontzi erre dituzte, eta gutxienez bi pertsona atxilotu.

Munduko ekonomiaren ordezkariak Bilbon dira

2014-03-03

Troikaren mezu positibo gehienak norabide beretik joan dira. Atzeraldia amaitu arren, gerrikoa estutzen jarraitu beharra dagoela esan dute ordezkariek. Goizeko 9:30ak aldera hasi da Foro Ekonomikoa. Ordu horretan egin die harrera Urkullu Lehendakariak Espainiako Erregeari, Chistine Lagarde NDFko presidenteari eta Luis de Guindos Espainiako Ekonomia ministroari, besteak beste. Urkulluk adirerazi du erreskateen ostean finantza entitateak gizartearekin zorretan daudela. Bitartean, Gune Plataformak deituta, protestak izan dira Bilboko kaleetan.

 

Ikerketa batzordeak dimititzeko eta bozak aurreratzeko eskatu dio Barcinari

2014-02-28

PSNk martxoaren 7ra arte izango du zentsura mozioa aurkeztu edo ez erabakitzeko epea. Baina gaurkoan PSNk, Bilduk, Aralar NaBaik, Ezkerrak eta Geroa Baik gaitzetsi egin dute Barcina eta Goikoetxearen jarduera.

Zabortegiak ixteko proposamena txalotu dute Zarautz, Azpeitia eta Beasaingo alkateek

2014-02-28

Gipuzkoako Foru Aldundiak lurraldeko hiru zabortegiak ixteko proposamena aurkeztu ostean, Zarautz, Azpeitia eta Beasaingo alkateek Aldundiaren jarduna txalotu eta Gipuzkoa iraunkorrago baten aldeko aldarrikapena egin dute. Akordio politiko zabal baten beharra azpimarratu dute, eta ulergaitzat joko luketela proposamenak aurrera ez egitea. Gipuzkoa iraunkorrago bat lortzeko bidean konpromezua eskatu dute.

Kutxabankek 108 milioi irabazi zituen iaz, 2012an baino %28 gehiago

2014-02-27

Kutxabankek 108,3 milioi euro garbi irabazi zituen 2013. urtean. Aurreko urtearekin alderatuz, mozkinak %28 handitu ditu. Iazko emaitzak onartu ditu gaur BBK-k, Kutxak eta Vitalek osatzen duten bankuko administrazio kontseiluak eta ondoren aurkeztu ditu Mario Fernandez presidenteak.

Bere bizkarra babestu eta Goikoetxearen gain utzi ditu ardurak Barcinak

2014-02-26

Negar zotinka defendatu zuen Yolanda Barcina Nafarroako lehendakariak Lourdes Goikoetxearen izen ona. Hala ere, bere bizkarra ondo babestu eta Nievesek salatutako erabakien ardura Goikoetxearen gain utzi du Barcinak, honek legea errespetatuz jardun duela esan arren. Bere burua defendatu eta dena ukatzeaz gain, agerraldia trabatu du Nafarroako lehendakariak, eta, haren ustez, ez dago zentsura mozioa aurkezteko arrazoirik. Ostiralean aurkeztuko dituzte parlamentuko taldeek azken erabakiak.

 
 
Premium Drupal Themes by Adaptivethemes
  • CMN TV
  • Deia
  • Diario de Noticias
  • Diario de Araba
  • Diario de Gipuzkoa
  • EKHE
  • Gara
  • Le Journal
  • EKT
  • Berria
  • Hitza
  • Bainet
  • Elkar
  • Euskaltel
  • Ibaizabal
  • BFA
  • GFA
  • EJ