Autismoaren Nazioarteko eguna ospatzeko kalera atera da APNABI elkartea. Autismoa pairatzen dituzten pertsonen egoera zein den ikusarazi nahi izan dute. APNABI-Autismo Bizkaia 70eko hamarkadan jaio zen autismoa zuten pertsonen senitarteko talde baten ekimenez eta gaur egun Bizkaiko 850 familiak laguntzen dituzte.

Europako Giza Eskubideen Auzitegian pasa den asteazkenean egindako ahozko epaiketaren balorazio positiboa egin du Herrira mugimenduak. Ines Del Rio presoaren defentsaren argudio juridikoen sendotasuna nabarmendu dute. Ordea, oso kezkagarria da beraien ustez Espainiako Gobernuak harturiko jarrera.

EH Bilduk proposatuta, bihar bakegintza eta normalizaziorako saio berezia egingo da eusko legebiltzarrean eta “akordio etiko minimoa” izateko helburuaz, EAJ, PSE-EE eta PP, testu bat adosten ari dira. Joan den legegintzaldiko bakegintza eta elkarbizitza lantaldeak utzitako ondorioak izango dituzte oinarri testua garatzeko, betiere, Iñigo Iturrate EAJko legebiltzarkidearen hitzetan, “adostasun berriak bilatzeko bidean aurrera egiteko”.

Bake prozesuan, blokeoaren faseak amaitu egin behar direla adierazi du Sortuk. Gatazka konpontzeko nahikoa baldintza badaudela dio, elkarrizketa prozesua gauzatu eta bere ondorio guztiei aurre egiteko. Bide honetan parte hartzeko borondate osoa erakutsi du Sortuk.

Estrasburgoko Auzitegiko Areto Handia bihar hasiko da parot doktrinaren epaia berrikusten, Europako Giza Eskubideen Auzitegiak uztailan hartu zuen erabakiari Espainiak helegitea aurkeztu ostean. Horren harira, ezkerreko alderdi soberanistek espetxe politika aldatzeko gizartearen inplikazioa beharrezkoa dela ohartarazi dute.