Skip to main content
bannerra
Nahieran Ikusteko.tv

Albisteak

Tortura: Sandra Barrenetxearen lekukotza Guardia Zibilaren aurkako epaiketan

2017-03-15

Sandra Barrenetxeak, malkoei ezin eutsiz, atxiloketa eta inkomunikazio garaian pairatutako tratu txarrak deskribatu ditu: "Poltsa egiten ari zirela, bat gainean jarri zitzaidan, metalezko objektu bat eskutan, bortxatu egingo nindutela esan zidan" adierazi du Barrenetxeak eta akusatutako hiru guardia zibil ezagutu ditu.

Hunkituta deklaratu du Barrenetxeak bera torturatzea leporatuta lau guardia zibilen aurka Bilbon burutzen ari den epaiketan. 

Donostiako Jazzaldiaren 49. edizioaren egitaraua aurkeztu dute

2014-06-27

Donostiako Jazzaldiaren 49. edizioaren aurkezpena burutu dute Donostiako Victoria Eugenia antzokian. Jaialdia uztailaren 23tik 27ra izango da, eta bertan 107 emanaldi izango dira, hauetatik 73 doan. Bestalde, Donostiako Jazzaldia Saria Toshiko Akiyoshi pianista eta orkestra zuzendariari emango diotela azaldu dute.

Biktima guztien onarpena aldarrikatu du Amaiurrek

2014-06-27

Amaiurrek Euskal Herrian izan diren indarkeria guztien onarpena eta erreparazioa aldarrikatu ditu. Xabier Mikel Errekondok esan du Amaiurrek behin baino gehiagotan adierazi diela ETAren eta beste erakunde batzuen biktimei hurbiltasuna eta elkartasuna. Espainiako Estatuari jarrera bera hartzeko eskatu dio Amaiurrek.

Irujok eta Retegik aukeratu dituzte finalerako pilotak

2014-06-26

Juan Martinez de Irujo eta Julen Retegik aukeratu dituzte igandeko finalerako pilotak. Pilota gozoagoak aukeratu ditu Julenek; biziagoak, aldiz, Juanek. Julen Retegiren lehen finala izango da igandekoa; Irujok, buruz buruko lau txapel jantzi ditu orain arte jokatutako zazpi finaletan.

Espainiak torturari aurre egiteko neurririk hartu gabe jarraitzen duela salatu du Lamarkak

2014-06-26

Gaur bete dira 17 urte Nazio Batuen Erakundeak ekainaren 26a Torturaren Biktimen Laguntzarako Nazioarteko eguna izendatu zuela eta egun honen harira Arartekoak Espainiako Estatuak torturari aurre egiteko neurririk hartu gabe jarraizten duela salatu du. Bereziki Nazioarteko elkarteek atxilotuei ezartzen zaien inkomunikazio aldia amaitzea galdegin dutela gogoratu du.

Jarri dute XVI. mendeko San Juan baleontziaren erreplikaren lehen egur zatia

2014-06-25

XVI. mendeko San Juan baleontziaren erreplika aurkeztu dute Albaola Fundazioak eta Donostia 2016k. Gaur jarri dute erreplikaren lehen egur zatia, eta 2016. urterako ontzia amaituta egotea espero da. San Juan baleontziaren berrikuntza Donostia 2016ren proiektu indartsuenetako bat da, eta Kultur Hiriburutzaren enbaxada ibiltaria izango da. Donostiako proiektua izan arren, Euskal Herri osoaren itsas ondarea irudikatuko du.

 
bannerra

bannerra