Skip to main content

Albisteak

Politika

EH Bilduk La Razón egunkariaren aurkako salaketa jarriko du

l.ferro, 2014-05-14

Pasa den astelehenean La Razón egunkariak honako titularra jarri zuen azalean: "ETA inscribe a EH Bildu como partido para que sea el sucesor de Batasuna". Hori dela eta EH Bilduk egunkari espainiarraren aurkako salaketa jarriko du. Kasu honek zein bestelako hedabideek maiz izaten dizuten gisako jokaerek bi helburu dituztela esan du koalizioak. Batetik, koalizioaren inguruko zalantzak piztea eta bestetik Euskal Herriko normalizazio prozesua zapuztea. Aurrerantzean ere halako jokabideak errepikatuz gero, epaitegietara joko dutela iragarri du EH Bilduk.

 
Etorkinak

Badator 11 Kolore Fest!, aniztasuna aldarrikatuko duen asteburua

b.garzia, 2014-05-13

EH 11 Kolorek eta Gipuzkoako Erregio Etxeen Federazioak, maiatzaren 31n eta ekainaren 1ean ospatuko den "11 Kolore Fest" aurkeztu dute. Egitaraua indartzeko, Donostiako Udalak hainbat ekitaldi antolatu ditu maiatzaren 30ean. Ekimenen artean, "11 Danbor Martxa" izango da, eta baita Burubeltz konpartsa ere. Horrez gain, sabela betetzeko, "11 Pintxo, 11 Zapore" ekimen gastronomikoa ere izango da.

 
Ekonomia

Aldundiek 30 milioi euro ordaindu beharko dituzte opor fiskalengandik

l.ferro, 2014-05-13

Europako Justiziak gaur jakinarazi du Luxenburgon hiru foru aldundiek opor fiskalengandik ordaindu beharreko kopurua: 30 milioi euro. Europako Batzordeak eskatutako zigorra baino baxuagoa da. Epaileen ustez, laguntzak berreskuratzeko izan den atzerapenak justifikatzen du zigorra. EH Bildu haserre agertu da eta urteetan garatu den politika fiskal atzerakoi eta eskuindarraren adibide dela esan du.

 
Atxilotuak / presoak

Etxerat-ek dispertsioaren aurka ostegunerako mobilizazioak deitu ditu

b.garzia, 2014-05-12

25 urte pasa dira Espainiako Gobernuak dispertsioa abian jarri zuenetik eta beraz, mina eta sufrimendua senidetan uztartu zuenetik. Neurriak, ehundaka istripu eragin ditu dagoeneko, eta 16 izan dira hildakoak. Hau honela, Etxerat-ek mobilizazioak deitu ditu horren kontrako aldarria egiteko. Maiatzaren 15ean 12:00etan Hego Euskal Herriko hiriburu guztietan egingo dira.

 
Kultura

Talkalive-ek zuzeneko musikaz beteko du Donostia

b.garzia, 2014-05-12

Talkalive, Olatu Talkaren zuzeneko kontzertuen zirkuituak hirugarren edizioa beteko du aurten. 100 kontzertu inguruk osatuko dute ekimenaren egitaraua, beste hainbetste gunetan. Lurralde osoko taldeak izango dira zirkuituan, hainbat musika estilotakoak, eta askotariko lekuetan izango dira emanaldiak.

 
Etxebizitza

Ostiralean hiru familia kalean geratuko direla salatu dute Bilbon

a.azkue, 2014-05-12

Ostiralean kaleratze berri bat egingo dutela salatu dute eskubide sozialen aldeko hainbat elkartek Bilbon. Kasu honetan hutsik gertuko diren etxeak Banco Popularraren jabetzapean daude une honetan. Bilboko Udalari erabaki zehatz eta azkarrak hartzeko eskatu diete familiek.

 
 
 
Premium Drupal Themes by Adaptivethemes
  • CMN TV
  • Deia
  • Diario de Noticias
  • Diario de Araba
  • Diario de Gipuzkoa
  • EKHE
  • Gara
  • Le Journal
  • EKT
  • Berria
  • Hitza
  • Bainet
  • Elkar
  • Euskaltel
  • Ibaizabal
  • BFA
  • GFA
  • EJ