Skip to main content
bannerra
Nahieran Ikusteko.tv

Albisteak

Ligaxkarako sailkatu nahian

Berria: kirola - og., 2017-08-17 00:00
Amaitu dira entseguak. Athleticek Europa ligako taldekako ligaxkan egon nahi badu, gaur (20:30, BeIN) ezin du hutsik egin. Lehen kanporaketa aurrekoan Dinamo Bukarest gainditu ostean, oraingoan Panathinaikos menderatu beharko du. Aurkari arriskutsua da: abuztuan egonik, Athletic ez baitago bete-betean, eta Greziako taldeak gauzak zail jar diezazkioke. Horregatik, garrantzitsua da gaur emaitza ona ...
Kategoriak: , Aktualitatea

Iñigo Martinez ariko den ez dakite, min hartua baitago

Berria: kirola - og., 2017-08-17 00:00
REALA. Ezustekorik ezean, Iñigo Martinez ez da etzi ariko, Celtaren aurka. Denboraldi-aurre osoan arazoak izan ditu eskuin ipurmasailean, eta, Burgosen aurkako lagunartekoa jokatu arren, ez da guztiz osatu. Atzo ez zen entrenatu. Alvaro Odriozola, berriz, jokatzeko prest dago. \t\t
Kategoriak: , Aktualitatea

Juanmi: «Aurreko sasoiko gol marka hobetu nahi dut»

Berria: kirola - og., 2017-08-17 00:00
REALA. Juanmi Jimenez Realeko aurrelariak hamabost gol sartu zituen aurreko sasoian. Kopuru hori hobetzea du helburu. «Ez naiz neure buruari gol kopuru bat ezarri zalea. Urratsez urrats joan nahi dut. Baina nahiko nuke hamaikakoan lekua egin, eta marka hori gainditu».
Kategoriak: , Aktualitatea

Sobrino: «Puntuak batu behar ditugu lehenbailehen»

Berria: kirola - og., 2017-08-17 00:00
ALAVES. Bihar ekingo dio Alavesek Ligari, Leganesen aurka, Butarquen. Luis Zubeldiaren taldeak egutegi gogorra du lehen jardunaldietan. Baina Ruben Sobrino erdilaria baikor da, eta argi du zein izan behar duen helburua. «Puntuak batu behar ditugu lehenbailehen».
Kategoriak: , Aktualitatea

Babesle batekin akordioa lortzear da Osasuna

Berria: kirola - og., 2017-08-17 00:00
OSASUNA. Baliteke Osasunak babesle nagusia izatea aurki. Klubeko zuzendaritzak asteak daramatza enpresa batekin negoziatzen, eta, ondo bidean, hurrengo asteetan iragar dezake akordioa. Diru laguntza horrek mesede galanta egingo lioke Osasunaren kutxari.
Kategoriak: , Aktualitatea

Betikoa ez da bukatu

Berria: kirola - og., 2017-08-17 00:00
Ez dira gutxi arraunlari beteranoak Eusko Label ligan arraunean. Horietako bat da Gotzon Arrasate (Ondarroa, Bizkaia, 1972). Herriko taldean ari da, ia bizi guztian ibili den bezala. 2008an bakarrik egon zen etxetik kanpo, Lutxanan, eta badira urte batzuk hasi zenetik: «30 urte daramatzat arraunean, eta 45 egin berria naiz», esan du.Betiko arraunlari horietako bat. Klubean edozertarako dagoena, ...
Kategoriak: , Aktualitatea

Jayson Granger, hiru urterako Baskoniara

Berria: kirola - og., 2017-08-17 00:00
SASKIBALOIA. Baskoniak Jayson Granger fitxatu du hiru denboralditarako, eta honezkero itxi du joko-antolatzaile bikotea. Granger (27 urte eta 1,89 m.) uruguaitarra da jaiotzez, baina kupo izaera du ACB ligan. Iragan sasoian Efes Pilsenen egon zen eta 9,3 puntu sartu zituen partidako Euroligan. Taldearen diseinuaren hurrengo pausoa Adam Hangaren etorkizuna argitzea izango da.
Kategoriak: , Aktualitatea

Urrizak eta Ezkurra II.ak elkarren aurka jokatuko dute gaur

Berria: kirola - og., 2017-08-17 00:00
ERREMONTEA. Kutxabank Banakako Txapelketako bigarren jardunaldiko partida jokatuko dute gaur Javier Urrizak eta Josetxo Ezkurrak, Hernanin (Gipuzkoa), Galarretan, 16:00etan hasita. Urriza min hartuta egon da azken egunetan, baina atzo azken proba egin zuen, eta jokatzeko prest dagoela erabaki zuen. Urriza da egungo txapelduna eta faborito nagusia.
Kategoriak: , Aktualitatea

Latinoamerikaren hamabi zeruertz

Berria: kultura - og., 2017-08-17 00:00
Donostiako 65. Zinemaldia hasteko egunak amaituz doazen heinean, jaialdiko zikloei estalkia kentzen dabiltza antolatzaileak. Azkena Horizontes Latinos saila izan da; Latinoamerikan ekoitzi, zinemagile latinoek zuzendu eta munduko komunitate latinoamerikarrak ardatz dituzten pelikulak biltzen dituena. Hamabi film lehiatuko dira Horizontes Saria eskuratzeko; Argentina, Txile, Brasil, Costa Rica, ...
Kategoriak: Aktualitatea

Trumpek berpiztutako suak

Berria: mundua - og., 2017-08-17 00:00
Berez, «azpiegiturei buruz» hitz egitekoa zen Donald Trump, herenegun iluntzean New Yorken deitu zuen prentsaurrekoan. Hala adostu zuten Etxe Zuriko haren aholkulariek, eta hala jakinarazi zion horietako batek CNN komunikabideko kazetari bati. AEBetako presidentearen etxeetako batean, Trump dorrean, bildu ziren kazetariek, ordea, joan den larunbatean Charlottesvillen (Virginia) gertatutako ...
Kategoriak: Aktualitatea

Erreferendumaren Legearen tramitazioa atzeratu du Kataluniako Legebiltzarrak

Berria: mundua - og., 2017-08-17 00:00
Bukatu zaizkio oporrak Kataluniako Parlamentuari, eta atzo Legebiltzarreko Mahaiak bilkura egin zuen, ikasturte berriari hasiera emateko. Bilkuraren egitekoetako bat Junts Pel Sik eta CUPek uztailaren 31n onartutako Erreferendumaren Legea tramitatzea zen. Azkenean, tramitea atzeratu egin dute, baina, Carme Forcadell legebiltzarreko presidenteak esan duenez, «horrek ez du esan nahi egingo ez ...
Kategoriak: Aktualitatea

Erresuma Batuak ez du nahi muga fisikorik Irlandan, 'brexit'-a aktibatu ostean

Berria: mundua - og., 2017-08-17 00:00
Erresuma Batua Europako Batasunetik (EB) kanpo geratuko balitz, Irlandako Errepublika izango litzateke herrialdeak Europarekin izango lukeen muga fisiko bakarra. Erresuma Batuko Gobernuak, ondorioz, dokumentu bat aurkeztu du, proposamen moduan, etorkizunean mugan ezarri beharreko neurrien inguruan. Brexit-aren ostean, bi herrialdeen arteko muga «ahalik eta ikusezinena» izan dadila zehazten du ...
Kategoriak: Aktualitatea
Gizartea

Lau pertsona zauritu dira Larrabetzuko gurutze frankista eraisten ari zirela

a.ortega, 2017-07-11

Gaztelumendi tontorrean zegoen gurutze frankista eraitsi du Larrabetzuko Udalak uztailaren 10ean. Harrizko dorrea espero ez zen aldera jausi eta lau zauritu eragin ditu; bi gizon eta 60 urte inguruko bi emakume. Udalak aditzera eman duenez, “beharrezko segurtasun neurriak” bete ditu, eta gertatutakoa aztertuko dute teknikari eta arduradunek.

Erregimen frankistak eraiki zuen gurutzea 1938an, bere hildakoen omenez. Dorrearen egoera nahiko arriskutsua zela adierazi du Larrabetzuko Udalak, urteetan jendeak harriak kendu baititu bertatik. Apirilaren 26an erabaki zuen eraistea, azaldu duenez, bere tokian nazionalen aurka borrokatu zuten gudarien omenezko plaka bat jarriko dute.

 
Herri mugimendua

Udako Kalera Martxa egingo dute uztailaren 20tik 27ra bitartean, preso, deportatu eta iheslarien alde

a.ortega, 2017-07-11

‘Kalera Kalera’ dinamikak antolatu du martxa, bi helbururekin; “Euskal errepresaliatu guztiak Euskal Herriko kaleetara ekartzea eta jai giroaz gozatzea”. Gernikan (Bizkaia) emango diote hasiera, uztailaren 20an, eta Lakuntzan (Nafarroa) amaituko da, uztailaren 27an.

Antolatzaileen iritziz, presoen kaleratzeak “lehentasuna” du, eta azaldu dutenez, prest daude kaleratze horrek nolakoa izan behar duen adosteko. Hala ere, mobilizazioa ere “beharrezkoa” dela esan dute. Horren baitan kokatu dute Udako Kalera Martxa.

 
Futbola

Martxan da Reala

a.ortega, 2017-07-07

Talde txuri-urdinara Europan arituko da denboraldi honetan eta iazko joko eta emaitza onei eutsi nahi die Eusebioren taldeak. Hiru lehiaketetan itxura ona eman nahi dute gipuzkoarrek, etxeko jokalariak ardatz hartuta. Nobedade nagusiak, Diego Llorenteren fitxakete eta Yuriren irteera. 

 

Oinez Txokoan ere txupinazoa bota dute Pirritx eta Porrotxek

a.ortega, 2017-07-06

Oinez Txokoan ere txupinazoa bota dute Pirritx eta Porrotxek 

 

Autodeterminazio erreferendumerako legea aurkeztu dute Kataluniako Parlamentuan.

a.ortega, 2017-07-05

Urriaren 1eko galdeketa nazioarteko legedian oinarritu dute, eta Espainiak autodeterminazio eskubidea biltzen duten hitzarmenak sinatu izana du helduleku juridikotzat.

Gabriela Serra Cup alderdiko diputatuak adierazi du emaitza ezezkoa bada hauteskundeak deituko dituztela, baiezkoa gailentzen bada, berriz, Kataluniako Errepublika eratzeko prozesua abian jarriko dutela. 

Marta Rovira Junts Pel Si alderdiko bozeramailearen arabera, juridikoki autodeterminaziorako eskubidea dugula adierazten du legeak. Xavier García PPko kideak, bestalde, esan du legearena "probokazio hutsa" dela, eta autonomia kentzea besterik ez dutela nahi.

Neus Munté Generalitateko bozeramailearen ustez, "arazo" bat duena Espainiako gobernua da, "ez delako ausartzen demokrazia arazo bati aurre egiten".

 

 

Uztailaren 31ra arte luzatuko dute greba Bizkaiko Zahar Egoitzetako langileek

a.ortega, 2017-07-04

200 greba egun baino gehiago daramatzate Bizkaiko Zahar Egoitzetako langileek. Berriki, greba uztailaren 31ra arte luzatzea erabaki dute, lan baldintza duinak aldarrikatzeko.